தமிழ் நாட்டின் உரிமை மீட்போம் !
தமிழை மீட்க வேண்டும் - தமிழ்
இனத்தை மீட்க வேண்டும் !
கமழக் கமழத் தமிழன் நாட்டைக்
கடிதில் மீட்க வேண்டும் !
அமிழப் போவதில்லை - வேறு
ஆசை நமக்கிங்கில்லை !
இமையும் பொறுப்பதில்லை - முன்
இழந்த உரிமை வேண்டும் !
வடவன் மொழியும் வேண்டா - அவன்
வழியும் நமக்கு வேண்டா !
வடவர் ஆட்சி வேண்டா ! - நாம்
வாழ உரிமை வேண்டும் !
பொறுத் திருந்து விட்டோம் - பூனை
போல் வாழ்ந்து விட்டோம் !
வெறுத்து விட்ட தாட்சி - தமிழ்
வீர வாழ்க்கை வேண்டும் !
கோழை யாகப் போனோம் - ஊமைக்
குருட ராக வாழ்ந்தோம் !
ஏழ்மை தொலைய வில்லை - தமிழ்
நாட்டின் உரிமை மீட்போம் ! -1993
கனிச்சாறு - மூன்றாம் தொகுதி
பாவலரேறு பெருஞ்சித்திரனார்
பாடல்கள்
தென்மொழி பதிப்பகம்
செந்தமிழ் அடுக்ககம்
( சி.கே. அடுக்ககம் )
மேடவாக்கம் கூட்டுச்சாலை
மேடவாக்கம்
சென்னை - 600 100
------------------------
94444 40449
0 comments:
Post a Comment